اسلام آباد 31 جنوری(اے پی پی) پاكستان او امان د دوه اړخيزه تجارت او سرمايه كارۍ پشمول د شريكو اړيكو په زياتولو اتفاق كړې۔دا اتفاق د خارجه وزير شاه محمود قرېشي او د اومان نائب وزيراعظم سيد فهد بن محمد السيد ترمينځه په مسقط كښې د ملاقات په مهال راغلې۔د ملاقات په مهال په دوه اړخيزه اړيكو٬د منطقې صورتحال پشمول په مهمو سيمه ايزو او نړيوالو چارو خبرې شوې۔خارجه وزير شاه محمود قرېشي د اومان نائب وزيراعظم د افغانستان پشمول په مهمو سيمه ايزو ستونزو د پاكستان د نظر په اړه باور كښې واخست۔شاه محمود قرېشي ووئيل پاكستان اومان سره خپلو اړيكو ته ډېر د قدر په سترګه ګوري۔د اومان نائب وزيراعظم د اومان په پرمختګ كښې د مېشته پاكستانۍ ټولنې د كردار ستائنه وكړه۔دواړو مشرانو د دوه اړخيزه تجارت او سرمايه كارۍ په وده او د شريكو اړيكو په لا زياتولو هم سلا شول
