اسلام آباد۔6دسمبر(اے پی پی) وزيراعظم شهباز شريف وئيلي دي ميډيا د هر رياست اساسي ستنه ده، حکومت د خبريالانو امنيت لپاره کوټلي ګامونه پورته کوي، ميډيا، سول سوسائټي او حکومت بايد د خبريالانو تحفظ لپاره په ګډه کار وکړي، پاکستان د خبريالانو د تحفظ لپاره ضروري قانون سازي کړې ده، د ارشد شريف وژنه د افسوس وړ پېښه ده ٬ ددې په اړه مې د كينيا صدر سره په خپله خبره وكړه او د سترې محکمې چيف جسټس ته مې د کمېسیون د جوړولو لپاره چيټۍ وليكله۔ د دې خيالاتو څرګندونه ده د نهې په ورځ د جرنلسټ سېفټي فورم لاندې د ملګرو ملتونو د 10 كلن پلان آف اېكشن حوالې سره راجوړې كړې شوې دستورې ته د خاص مېلمه په حېث خپل خطاب كښې وكړه۔ دستورې ته د جرنلسټ سېفټي فورم چيئرمېن او مشر خبريال حامد مير ٬ د ډنمارك سفير جېكب لائنلف ٬ د ناروے سفير پرالبرټ الساس او د فرانس سفير نېكولس ګېلي هم خطاب وكړو۔ په دستوره كښې د بېلو هېوادونو سفيرانو او دسول سوسائټۍ استازو سره سره مشران خبريالان هم موجود وو۔ وزيراعظم ووئيل دا د خبريالانو د تحفظ په اړه يوه مهمه دستوره ده ، په پاكستان كښې ميډيا ٬ سول سوسائټي او د ټولنې بېلو برخو لپاره د رائې آزادۍ سره څرګندونه يوه مهمه معامله پاتې شوې ده او دې لپاره ډېرې ستړې شوي دي۔ وزيراعظم د بيان د آزادۍ او د خپلو حقونو د تحفظ لپاره د ستړې كوؤنكو خبريالانو ستاينه كولو سره ووئيل د دوئي د خوارۍ د پاكستان سره سره په نړيواله كچه هم اعتراف شوے دے۔ وزيراعظم ووئيل د ارشد شريف وژنه د افسوس وړ پېښه ده ٬ د كينيا صدر سره مې په دې اړه پخپله خبره كړې او خارجه وزير هم د ارشد شريف د معاملې او د هغه دمړي پاكستان ته د رارسولو په لړ كښې د كينيا چارواكو سره تماس ونيولو۔ وزيراعظم ووئيل ما د سپريم كورټ چيف جسټس ته د كمېسيون تشكيل كولو لپاره خط وليكلو۔ ده ووئيل جمهوریت او د ميډيا آزادي دواړه يو بل سره تړلې دي۔ پاكستان كښی 33 كاله ډكټېټرشپ پاتے شوے ولې پاكستان جمهوري هېواد دے او وي به۔ وزیراعظم د كال 1973آئین د سیاسی مشرتابه د داتفاق رائے مظهر ګرځولو سره ووئيل د اختلاف لرلو باوجود يو مقدس مقصد لپاره د خپلې خوښې او ناخوښې نه لرې پاتې كېدو سره سياستمدار په يو آئين متفق شؤ كوم چې مونږ يو ځائې ساتلې يؤ۔ د كال 1973 آئین يو مقدس دستاوېز دے۔ده ووئيل ميډيا د جمهوري حكومت مهمه ستنه ده او خبرياله ورورولي زما زړه ته نزدې ده۔ وزيراعظم ووئيل پاكستان د خبريالانو تحفظ لپاره وفاق او سندھ كښې قانون منظور كړو۔ زمونږ حكومت به بلوچستان ٬ خېبر پختونخوا او پنجاب كښې د خبريالانو تحفظ لپاره د قانون سازۍ ملاتړ كوي۔ وزیراعظم ووئيل تېر كال په پارلمان كښې د خبريالانو د تحفظ قانون په متفقه توګه منظور كړے شو۔ ده ووئيل په دې كښې د سېكشن 6 اضافې معاملې به جاج اخستې شي۔ ده ووئيل د بيان آزادي آئين وركړې ده او د خبريالانو تحفظ او سلامتيا باوري كول د حكومت ذمه واري ده۔ ده ووئيل په پاكستان كښې هم د نورو هېوادونو په څير خبريالان او ميډيا د خپل فرض په ترسره كولو كښې چېلنجونو سره مخ دي٬ د اړوندو فريقو مشاورت سره به حكومت په دې لړ كښې ضروري ګامونه پورته كړي۔ وزیراعظم د اروپا په شمول د نړۍ بېلو هېوادونو سره اړيكو ته وده وركولو له د خپل عزم څرګندونه كولو سره ووئيل پاكستان ټولو هېوادونو سره غوره اړيكې په ځائې كول غواړي او دې نه غېر پرمختګ كېدې نه شي۔ ده هيله ولرله چې جرنلسټ سېفټی فورم به خبريالانو ته د پېښو مسئلو حوالې سره مهم كردار ترسره كړي او په دې لړ كښې به وفاقي حكومت هره ممكنه مرسته كوي۔
