جدہ۔1مئی(اے پی پی)پاکستان اتے سعودی عرب سلامتی واستحکام، تشدد، انتہاپسندی و دہشت گردی مکاوݨ، اتحاد ودھاوݨ، خطے دے ممالک دی خودمختاری اتے انہاں دی جغرافیائی سالمیت دی حمایت دا عزم دوہرائے، سعودی عرب، پاکستان اتے ایندی معیشت دی بہتری کیتے حمایت جاری رکھسی اتے پاکستان دے مرکزی بینک اچ جمع کرائے گئے 3 ارب ڈالر دی مدت اچ توسیع، پٹرولیم مصنوعات دی فنانسنگ ٻئی ودھاوݨ سانڳے اقدامات سودھا معاشی ڈھانچے دی اصلاحات اچ ہتھ ونݙیسی، ݙوہاں ملکاں خطے اچ امن و سلامتی کیتے پاکستان اتے بھارت وچال جموں و کشمیر دے تنازع سودھا مسائل دے ڳآلھ مہار نال حل تے زور ݙتے۔ اے ڳالھ وزیراعظم شہباز دا دورہ سعوی عرب مکݨ توں بعد پاک سعودی عرب مشترکہ اعلامیہ اچ آکھی ڳئی اے۔ ݙوہاں ملکاں روس و یوکرائن جھیڑے دے سیاسی تصفیے اتے بحران مکاوݨ کیتے امید کیتی ڄݙاں جو سلامتی کونسل دی قرارداد دے مطابق یمن بحران دے جامع سیاسی حل دے اقدامات، فلسطین دے مسئلے دے متعلقہ قرارداداں اتے عرب امن اقدام دے مطابق جامع و منصفانہ حل، شام اچ علاقائی مداخلت محدود کرݨ اتے افغانستان دی سرزمین دہشت گرد گروپاں کیتے محفوظ پناہ دے طور تے استعمال تھیوݨ توں بچائو دی لوڑھ تے زور ݙتے۔
