اسلام آباد – 09 – جنوري (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته عالمي برادري ۽ ترقياتي حصيدار ٻوڏ متاثرين جي لاءِ جنيوا ۾ عالمي ڪانفرنس ۾ مثالي جذبو ڏيکاري رهيا آهن. پنهنجي ٽوئيٽ ۾ اطلاعات واري وفاقي وزير مريم اورنگزيب چيو ته وزيراعظم شهباز شريف جي اپيل تي اسلامي ترقياتي بئنڪ 3 سالن ۾ 4.2 ارب ڊالر جڏهن ته ورلڊ بئنڪ ايشيا ريجن جي نائب صدر مارٽن ريزر 2 ارب ڊالر ڏيڻ جو اعلان ڪيو آهي.
