اسلام آباد – 25 – مئي (اي پي پي) وزيراعظم محمد شهباز شريف اقتصادي معاملن واري وفاقي وزير ۽ مسلم ليگ (ن) جي سينيئر اڳواڻ سردار اياز صادق جي وڏي ڀاءُ جي لاڏاڻي تي تعزيت جو اظهار ڪيو آهي. پنهنجي ٽوئيٽ ۾ وزيراعظم چيو ته سردار اياز صادق جي وڏي ڀاءُ جي لاڏاڻي جي خبر ٻڌي تمام گهڻو ڏک ٿيو. هن چيو ته آئون سردار اياز صادق ۽ سوڳوار خاندان سان دلي تعزيت جو اظهار ڪريان ٿو. وزيراعظم دعا ڪئي ته الله تعاليٰ مرحوم کي جنت الفردوس ۾ جڳهه عطا فرمائي.
