اسلام آباد 23 جون (اے پي پي) نامتو مذهبي سكالر مفتي محمد تقي عثماني د پارلماني چارو وزير علي محمد خان ته د بجټ په تقرير مباركي وركړې او وئيلي ئې دي چې د سود نه د نجات ترلاسه كولو په اړه د ده تقرير د فكر وړ و٬ كاش كه زمونږ د معيشت قبله درسته شي۔ د اتوار په ورځ په ټويټر په خپل پېغام كښې ده ووئيل چې محمد علي خان چې د اسلام د معاشي تعليماتو خپلولو او په خاص توګه د سود نه نجات ترلاسه كولو لپاره چې كوم د درد نه ډك او د فكر وړ وېنا كړې چې كاش كه هغه زمونږ د معيشت قبله درسته كړې شي۔ په دې حق وئيلو مونږ هغه ته مباركي وركوو۔ ده ووئيل چې د سود خاتمې لپاره د وړاندې نه په قومي اسمبلۍ كښې د مولانا عبدالاكبر چترالي لخوا يو بل وړاندې كړے شوے كوم چې د حكومت او اپوزيشن دواړو په اتفاق سره وړاندې شوے۔ اوس په دې د سنجيده او بامعنٰي كارروائې ضرورت دے۔
