پېښور۔ 14 جنوری (اے پی پی) په جمهوري نظامونو كښې آزادانه او سپېځلې ټاكنې جمهوريت په مضبوطو بنيادونو اودروي او دا خبره باوري كوي چې د ټاكنو د لارې ټاكل كېدونكې اولسي حكومت د اولس لخوا اولس لپاره راشي۔ په جمهوري طريقه بشپړ كېدونكې ټاكنې په هېواد كښې ټاكلې حكومت ته راروانو پنځه كلونو كښې قامي ګټو او د اولس خېر ښېګړې له د پرېكړې كولو جواز وركوي۔ د پېښور پوهنتون د سياسياتو څانګې پخواني چيئرمېن پروفېسر ډاكټر اے اېچ هلالي اے پي پي سره خبرو كښې ووئيل ټاكنې اختيار اولس ته وركوي او هغوي ته د خپلې خوښې د حكومت ټاكلو آزادي وركوي۔ ده ووئيل د كال 2013 او 2018 په ټول ټاكنو كښې سوشل ميډيا د سياسي ګوندونو د قسمت په بدلولو كښې مهم كردار ترسره كړو۔ ده ووئيل سياسي ګوندونه د ووټرانو منشور پلو راغب كولو كښې سوشل ميډيا څخه مرسته ترلاسه كوي۔ د ډیجیټل پاکستان 2023 يو رپورټ له مخې تېر كال د جنورۍ مياشت كښې په پاکستان كښې د انټرنېت كارؤنكو شمېره ريكارډ 87.35 ملین ته ورسېده۔ د سوشل میډیا صارفینو شمېره هم تر ريكارډ 71.70 ملینه زياته شوې ده چې په كښې په كال 2023 كښې د فېس بك 37.30 ملینه صارفين ٬ د يوټيوب 71.70 ملینه صارفين ٬ د انسټاګرام 12.95 ملینه او د ټك ټاك 16.51 ملینه صارفين شامل دي۔ دغسې نزدې 11.95 ملینه خلق فېس بك مېسنجر كاروي۔ ده ووئيل رارونو ټول ټاكنو له د نامزدګۍ كاغذونو كره كتنه بشپړ شوې ده او په ټاكنو كښې د سوشل ميډيا كردار به ډېر مهم وي۔ د اردو ادب يو لېكچرر احتشام قېصر اے پي پي سره خبرو كښې ووئيل د سیاسی ګوندونو منشور مهم دي او هر وګړے د دې ګوندونو پروګرامونه د دوئي په سوشل ميډيا وېب سائټس او پېجز كتلے شي۔ د پوهانو وېنا ده چې د يخ موسم او سېكورټي چېلنجز له امله په ټاكنو كښې د سوشل ميډيا اهميت لا زيات شوے دے او ټولو سياسي ګوندو وړاندې څخه د سوشل ميډيا بېلو وېب پاڼو د لارې پروګرام وړاندې كولو پېل كړې دي دغسې چې د معلومات فوري رسول ممكن شي او زياتو نه زياتې چوكۍ ترلاسه كړې شي۔
