اسلام آباد 19 اګست (اے پي پي) د کشمير و ګلګت بلتستان چارو او د سيفران وفاقي وزير انجينئر امير مقام وئيلي دي د خېبر پښتونخوا حکومت د اولس مسئلو حل كولو په ځاے په سياست كښې بوخت دے٬ هره خواه كرپشن او بس كرپشن دے٬ صوبائي حكومت د اولس مسئلو حل كولو لپاره هيڅ تګلاره نه لري۔ ګل په ورځ ميډيا سره په خبرو كښې وفاقي وزير امير مقام ووئيل صوبائي حكومت اولس بې يار و مددګار پرېښودے دے او د سندھ، بلوچستان او پنجاب واكمن د اولس خدمت كوي۔ ده ووئيل د خېبرپښتونخوا وسائل د بدعنواني ښكار كېږي٬ حكومت هيڅ كاركردګي نشي ښودلې۔ وفاقي وزير ووئيل د ګلګت بلتستان اولس هم بنيادي سهولتونو څخه مستفيد كېږي٬ په بلوچستان كښې ټيوب وېلز د نمر په توان منتقل كېږي۔ انجينئير امير مقام ووئيل د مريم نواز کارکردګي د حېرانۍ وړ ده ٬ ھغه نورو صوبو لپاره د لارې مشال ده۔ ده ووئيل د نورو صوبو غوندې صحت، تعليم، د اولسي ريليف اقدامات د خېبر پښتونخوا د اولس هم حق دے خو د بده مرغه هلته حكومت د اولس نه بلكې د خپلې ذاتې تګلارې په فكر اخته دے۔
