اسلام آباد 16 جنوري (اے پي پي) قامي اسمبلۍ كښې د شورو په ورځ بلوچستان كښې د اوچ كالۍ په صورتحال يو شمېر غړو خبرې وكړې او صوبه كښې د اوچ كالۍ په نتيجه كښې د څاورو مړه كېدو او اولس ته د پېښو مسئلو حل لپاره د اقداماتو په حاجت زور راوړلې شو او د حكومت لخوا ايوان ته ووئيل شول د بلوچستان د اوچ كالۍ د صورتحال په اړه صوبائي حكومت تفصيلات نه پس به ايوان په باور كښې اخستلې شي۔د شورو په ورځ قامي اسمبلۍ كښې بلوچستان څخه د قامي اسمبلۍ عړي مولانا عبدالواسع ووئيل بلوچستان كښې د شپږو كالو راهسې بارانونه نه كېږي چې په سوب ئې د اوچ كالۍ صورتحال دے٬ څاروي مري او اوبه هم ختمېږي چې پرې وفاقي او صوبائي واكمن هېڅ اقدامات نه كوي۔ د مسلم لیګ (ن) غړٶ احسن اقبال‘ سردار ایاز صادق او د پیپلز ګوند غړي راجه پروېز اشرف هم په دې اړه خبرې وكړې او صوبه كښې د اوچ كالۍ له امله د پېدا شوو مسئلو حل لپاره ئې وفاقي حكومت ته د كردار ووئېل ۔ د پارلماني چارو وزير علي محمد خان ووئيل وفاقي حكومت د اوچ كالۍ صورتحال جاج اخلي٬ پي ډي اېم اے هم كار كوي٬ په دې معامله به تفصيلي ځواب د بلوچستان واكمنو څخه د تفصيلات ترلاسه كولو نه پس وركولې شي۔ شاہ محمود قرېشي ووئيل بلوچستان او تھرپارکر كښې د قدرتي عواملو له امله صورتحال خراب دے ٬ په صوبائي كچه ډيزاسټر مېنجمنټ لپاره يوه ډهانچه موجوده ده ٬ بلوچستان كښې پي ډي اېم اے له هم خپل كردار لوبول پكار دې۔ ده ووئيل د اېن اېف سي اېوارډ له مخې 57 فيصده وسائل صوبو سره دي ٬ صوبې كه رېونيو اخلي نو د دې سره تړلې ذمه وارۍ دې هم بايد ترسره كړي۔ ده ووئيل ايوان له په ګډه د بلوچستان اوچ كالۍ له امله د ځپليو مرستې لپاره طريقه كار جوړول پكار دي ٬ په دې معامله بايد پوائنټ سكورنګ ونه كړې شي
