اسلام آباد 11 اګست (اے پي پي) د قامي اسمبلۍ سپيکر راجه پروېز اشرف په هېواد كښې مېشته د ټولو اقليتونو په قامي تعمير او پرمختګ كښې د ځانګړي كردار ستائنه كولو سره وئيلي دي چې ټولو اقليتونو ته د دوي د آئيني حقونه وركولو عزم لرو۔ دا خبره ده د اقليتونو قامي ورځ په موقع كړې كومه چې هر كال د اګست په 11مه نيټه لمانځلې كېږي۔ راجه پروېز اشرف مورني هېواد لپاره د ستائنې وړ په قربانيو او خدماتو د پاکستان ټولو اقليتونو ته پېرزوئنې وړاندې كولو سره د دوي مننه وكړه۔ ده ووئيل د آئين آرټيکل 36، 37 او 38 له مخې ټولو اقليتونو ته د فرق نه غېر د رنګ٬ نسل او مذهب يو ډول حقونه ترلاسه دي۔
