اسلام آباد۔13اگست (اے پی پی):پاکستان انٹرنیشنل ایئر لائن پی آئی اے ڈائمنڈ جوبلی دے موقع تے اندرلے ملک سفرکیتے 14 فیصد رعایت ݙیوݨ دا اعلان کرݙتے۔ پی آئی اے دے ترجمان آفیشل ٹویٹر تے قوم کوں یوم آزادی دی مبارخ ݙیندے ہوئیں آپݨے صارفین کوں خوشخبری ݙتی اے جو ایں واری 14 اگست کوں یوم آزادی دے ایں خاص ݙینھ تے پی آئی اے اپݨے سارے مقامی سفر تے 14فیصد حیرت انگیز رعایت ݙیندا پئے۔ تساں وی آپݨے پیاریں کوں حیران کرݙیو جوتے آزادی دی 75 ویں سالگرہ مناوݨ کیتے سفر کرو اتے ایں رعایت دا فیدہ چاؤ۔
