اسلام آباد۔24اگست (اے پی پی):وفاقی وزیر ریاستی و سرحدی امور (سیفران) سینیٹر طلحہٰ محمود آکھیے اڄ اساں انٹرنیٹ دی دنیا اچ رہندے پیوں تے اساکوں مختلف شعبی اچ کئی چیلنجز دا سامݨا ہے، انہاں چیلنجزدا مقابلہ کرݨ کیتے وختی اقدامات دی لوڑھ اے ، اے ڳالھ انہاں ٻدھ کوں پائیدار سائبر سکیور پاکستان وژن 2030 دے موضوع تے نسٹ یونیورسٹی اسلام آباد اچ منعقدہ انٹرنیشنل کانفرنس توں بطور مہمان خصوصی خطاب کریندے ہوئیں آکھی اے۔ وفاقی وزیر ایں موقع تے وختی تے اہم کانفرنس اچ شرکت کرݨ تے ملکی تے غیر ملکی شرکا دا خیر مقدم کیتے ۔ وفاقی وزیر آکھیے اڄ اساں انٹرنیٹ دی دنیا اچ رہندے پیوں ، اساکوں قومی اتے بین الاقوامی سطح تے حقیقی دنیا اچ سیاست ، تجارتی مواقع اتے دوستاں نال تعلقات دے شعبیں اچ کئی چیلنجز درپیش ہن ۔انہاں کانفرنس دے سلسلے اچ کوشش کرݨ تے سابق ایڈیشنل ڈائریکٹر جنرل ایف آئی اے عمار جعفری دیاں کوششاں دی تعریف کیتی ، انہاں پاکستانی حکومت دی طرفوں ملائشیا توں آئے ہوئے ڈاکٹر ظاہری تے انہاں دی ٹیم دا شکریہ ادا کیتے انہاں آکھیے ایں کانفرنس اچ ملکی اتے غیر ملکی مقررین شرکت کریندے پئن جیں اچ سائبر سکیورٹی دے مختلف پہلوواں تے روشنی پیسن جیں کیتے وختی حل دی لوڑھ اے ۔
