اسلام آباد۔19اکتوبر (اے پی پی) وفاقی وزیر انسانی حقوق ریاض حسین پیرزادہ آکھیا جو بلوچستان دے مسئلے دے حل اتے دہشت گردی نال نبݨݨ کیتے سانجھے فیصلے کرݨ دی لوڑھ اے۔ بدھ کوں قومی اسمبلی اچ سردار اختر مینگل ولوں چاتے ڳے نکتے تے ڳالھ کریندیں ہوئیں وفاقی وزیر ریاض حسین پیرزادہ آکھیا جو دہشت گردی اتے بلوچستان اچ لاپتہ افراد بارے انہاں کابینہ دے اجلاس اچ ڳالھ کیتی اے، اساں معاملات توں منہ نی پھیر سڳدے۔ شکر اے جو پارلیمان اچ مینگل سویں رہنما موجود ہن۔ بلوچستان اتے فاٹا اچ جیڑھا کجھ تھیے او افسوسناک اے۔ اڄوکے حالات اچ مضبوط فیصلے کرݨ دی لوڑھ اے۔ کوئی سیاستدان نی چاہندا جو پارلیمان اتے سیاست کوں بے توقیر کیتا ونڄے۔
