اسلام آباد۔20دسمبر(اے پی پی)کابینہ کمیٹی توانائی 2013 توں 2018 تئیں شروع کیتی گئی گیس ڈویلپمنٹ سکیماں دا بنیادی ڈھانچہ و تعمیراتی کم مکمل کرݨ دی منظؤری ݙتی اے ڄݙاں جو وزیراعظم ہدایت کیتی اے جو اسلام آباد اچ سرکاری عمارتاں کوں شمسی توانائی تے منتقل کرݨ دا منصوبہ تیکھے پیش کیتا ونڄے۔ او اسلام آباد اچ کابینہ کمیٹی برائے توانائی دے اجلاس دی اڳواݨی کریندے پئے ہن۔ اجلاس اچ وفاقی وزیر خزانہ، وفاقی وزیر منصوبہ بندی و ترقی، وفاقی وزیر توانائی، وفاقی وزیر پارلیمانی امور ، مشیر وزیر اعظم احد چیمہ، وزیر مملکت پٹرولیم، وزیر مملکت خزانہ، معاون خصوصی وزیراعظم برائے خزانہ اتے اعلی سرکاری افسران شرکت کیتی۔ وزیراعظم کوں ملک اچ گیس ڈویلپمنٹ سکیماں بارے بریفنگ ݙتی ڳئی۔ کمیٹی 2013 توں 2018 تئیں شروع کیتی گئی گیس ڈویلپمنٹ سکیماں دا بنیادی ڈھانچہ و تعمیراتی کم مکمل کرݨ دی منظوری ݙتی۔
