اسلام آباد۔31مارچ(اے پی پی) قومی اسمبلی کوں ݙسایا ڳئے جو وفاقی کابینہ حج پالیسی دی منظوری ݙے ݙتی اے ۔ قومی اسمبلی اجلاس اچ ڈاکٹرمہرین رزاق بھٹو دے سوال دے ولدے اچ وزیرمذہبی امور مفتی عبدالشکور آکھیے حج پالیسی وفاقی کابینہ منظور کریندی اے ، معاونین دا انتخاب وی منظور شدہ حج پالیسی دے تحت تھیندے ، سعودی عرب اچ تجربہ کار حج معاونین کوں ڈائریکٹر معاونین دی مشاورت نال ول حج ڈیوٹی دی اجازت ݙتی ویندی اے ، اڳوں وی اساں بھرپور کوششاں کریسوں جو ول ول ھکے عملے کوں بطورمعاونین بھجواوݨ توں اجتناب کیتا ویسی ۔ مولانا عبدالاکبر چترالی آکھیے حج میڈیکل مشن اتے ٻئے حج معاونین عملے دی باقاعدہ مانیٹرنگ کیتی ویندی اے ۔ شیخ فیاض الدین دے سوال دے جواب اچ مفتی عبدالشکور آکھیے اساں ہمیشہ شفاف نظام ݙسائے ۔ وزارت مذہبی امور اچ پیسے گھن تے حج تے بھجواوݨ دی کوئی شکایت سامݨے نی آندی ۔ جے فاضل رکن کہیں ھک ایجھے بندے دی نشاندہی کرن تاں ایں کوں ایف آئی اے دے حوالے کیتا ویسی اساں انہاں دے شکر گزار ہوسوں ۔
