اسلام آباد – 05 – جولاءِ (اي پي پي) صدر ڊاڪٽر عارف علوي ڪيپٽن شير خان (نشان حيدر) کي وطن جي حفاظت جي لاءِ پنهنجي جان جو نذرانو پيش ڪرڻ تي شاندار لفظن ۾ خراج عقيدت پيش ڪيو آهي. ايوان صدر جي پريس ونگ موجب صدر ڊاڪٽر عارف علوي ڪيپٽن شير خان جي 23 هين شهادت جي ڏهاڙي تي پنهنجي پيغام ۾ چيو ته سڄي قوم شهيدن جي قربانين جي مقروض آهي. هن چيو ته ڪيپٽن شير خان شهيد بهادري ۽ جرئت جو لازوال داستان لکيو. صدر ڊاڪٽر عارف علوي چيو ته شهيدن جي قربانين کي سدائين ياد رکيو ويندو.
