اسلام آباد – 19 – آگسٽ (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته عمران خان ۾ همت، جرئت ۽ حُصلو آهي ته ٻڌائي ڪهڙين ايجنسين ۽ ماڻهن کيس مسلم ليگ (ن) ۽ پيپلزپارٽي بابت بريفنگز ۽ رپورٽس ڏنيون؟ چيف اليڪشن ڪمشنر جي گارنٽي ڪنهن ڏني؟ ادارن جي ٻاهرئين سازش جي ڪوڙي بيانيي ۾ ساٿ ڏيڻ کان انڪار تي عمران خان انهن جي خلاف ڇو ٿي ويو، عمران خان هر اداري ۾ هڪ جاويد اقبال چاهي ٿو، عمران خان ملڪ ۾ تماشو لڳائڻ بند ڪري، هن 22 سال غلط بياني ڪري سياست ڪئي، عمران خان کان جڏهن به سوال پڇيو وڃي ته هو جواب نه ٿو ڏي، هو چوي ٿو ته آئون ڪنهن قانون جي اڳيان جوابده نه آهيان. پريس ڪانفرنس کي خطاب ڪندي مريم اورنگزيب چيو ته عمران خان ٻين کي چور ۽ پنهنجو پاڻ کي فرشتو ثابت ڪندو رهندو، هن 22 سالن تائين اسلامي ٽچ ذريعي سياست ڪرڻ جي ڪوشش ڪئي، عمران خان جي هر ڳالهه ۾ منافقت، ڪوڙ، ڊرامي بازي آهي. اطلاعات واري وفاقي وزير چيو ته عمران خان ڪالهه ميڊيا سيمينار ۾ چيو ته کيس مسلم ليگ (ن) ۽ پيپلزپارٽي بابت ايجنسيون بريفنگ ڏينديون هيون، هن اهو به چيو ته مون کي چيف اليڪشن ڪمشنر بابت به ايجنسين گارنٽي ڏني هئي ته عمران خان ٻڌائي ته کيس ڪهڙي ايجنسي ۽ ڪهڙو شخص رپورٽون ۽ بريفنگ ڏيندو هو. هن چيو ته عمران خان ڊرامو، تماشو، ناٽڪ ۽ ڪوڙ ڳالهائڻ بند ڪري، جيڪڏهن ان ۾ همت، حوصلو ۽ جرئت آهي ته نالو ٻڌائي ڪهڙي ايجنسي جو ڪهڙو شخص کيس پيپلزپارٽي ۽ (ن) ليگ بابت رپورٽون موڪليندو ۽ بريفنگ ڏيندو هو، ڪنهن توهان کي چيف اليڪشن ڪمشنر بابت گارنٽي ڏني هئي؟ هن چيو ته ڇا عمران خان کي فارن ايجنٽ ۽ پاڪستان تحريڪ انصاف کي فارن ايڊيڊ پارٽي ڊڪليئر نه ڪرڻ جي گارنٽي ڏني وئي هئي؟. اطلاعات واري وفاقي وزير چيو ته عمران خان کان سوال پڇو ته هو جواب نه ٿو ڏي، هو چوي ٿو ته قانون ان کان جواب ۽ رڪارڊ نه ٿو وٺي سگهي. هن چيو ته اليڪشن ڪميشن عمران خان کان سوال ڪري ته هو جواب نه ٿو ڏي، نيشنل ڪرائم ايجنسي ان جي الزامن تي ثبوت گهريا ته چوي ٿو ته ان وٽ شهباز شريف جي خلاف ثبوت نه آهن، لاهور هاءِ ڪورٽ، اسلام آباد هاءِ ڪورٽ ۽ سپريم ڪورٽ عمران خان کان ان جي لڳايل الزامن تي ثبوت گهريا ته هو چوي ٿو ته مون وٽ جواب نه آهي، ايف آءِ اي، اپوزيشن، ميڊيا، پارليامينٽ ان کان سوال پڇي ته هو چوي ٿو ته جواب نه ڏيندس. اطلاعات واري وفاقي وزير چيو ته ٽي ڀيرا جو چونڊيل وزيراعظم نواز شريف پنهنجي ڌيءَ سان گڏ ملڪ جي تاريخ ۾ پهريون ڀيرو ڪوڙن الزامن جي بنياد تي جواب ڏيندو رهيو، جج ارشد ملڪ سڀ ڪجهه ٻڌائي ڇڏيو هو، ان کي خبر هئي ته نواز شريف تي هنيل سمورا الزام ڪوڙا هئا، نواز شريف جواب ڏنو هو، کيس خبر هئي ته هن هڪ رپئي جي ڪرپشن ناهي ڪئي. هن چيو ته عمران خان شهباز شريف جي خلاف ڪو ادارو ۽ ڪو دوست ملڪ نه ڇڏيو، عمران خان ايف آءِ اي، اين سي اي ۾ وڃي ڪوڙا ثبوت پيش ڪيا، ڊيوڊ روز کي گهرائي ڪوڙا ثبوت ڏنا، جنهن عدالت ۾ نيب جا ڪيسز پيش ٿيا، عمران خان ڪو ثبوت نه ڏنو، هو هڪ الزام جو ثبوت پيش نه ڪري سگهيو. هن چيو ته ايسيٽ ريڪوري يونٽ ٺاهي عمران خان ماڻهن جا پٽڪا لاٿا ويا، 22 سالن تائين هو ماڻهن تي الزام هڻندو رهيو، هن پنهنجي دور ۾ ڪوڙا الزام هڻي ماڻهن جي ڌيئرن، ڀينرن ۽ مائرن کي گرفتار ڪيو، موت جي سزا جي چڪين ۾ رکيو ۽ هاڻي چئي رهيو آهي ته مون کي ايجنسيون چونديون رهيون ته هي چور آهن. هن چيو ته عمران خان ملڪ ۾ احتساب جي نالي تي تمام وڏو مذاق ڪيو آهي، هو ميديا جو به دشمن رهيو آهي، ميڊيا سيمينار ڪري ميڊيا جي آزادي جو دشمن ذميواري کان آجو نه ٿو ٿي سگهي. هن چيو ته عمران خان بيگناهن کي جيلن ۾ رکيو ۽ اڄ چوي ٿو ته مون کي خبر نه هئي، مون کي ايجنسيون بريفنگ ڏينديون هيون. مريم اورنگزيب چيو ته نواز شريف جي خلاف پاناما جو ڄار وڇايو ويو، کيس سسلين مافيا ۽ گاڊ فادر چيو ويو ۽ پٽ کان پگهار نه وٺڻ تي ٽي ڀيرا جي چونڊيل وزيراعظم کي ڪڍيو ويو. هن چيو ته نواز شريف جي خلاف ڪيسن تي جج ارشد ملڪ جي گواهي آئي ته مون تي دٻاءُ وڌو ويو. وفاقي وزير چيو ته نواز شريف پاڻ خط لکي احتساب جو عمل شروع ڪرايو. جڏهن نواز شريف ڪجهه خلاف نه مليو ته بليڪ لاء ڊڪشنري جو سهارو وٺي کيس نااهل ڪيو ويو، نواز شريف پوءِ به هڪ ئي ڳالهه چئي ته ادارا پنهنجي آئيني حدن ۾ رهي ڪم ڪن، ادارن جو سياست ۾ ڪو ڪم نه آهي. هن چيو ته نواز شريف پنهنجي گهرواريءَ کي موت جي بستر تي ڇڏي پنهنجي ڌيءَ جو هٿ پڪڙي پاڪستان واپس آيو، هن روزاني جي بنياد تي پيشيون ڀوڳيون پر هن اهو ڪڏهن به نه چيو ته ملڪ کي باهه لڳائي ڇڏيندس يا ملڪ جا ٽڪڙا ڪري ڇڏيندا پر جڏهن عمران خان کان اقتدار وڃڻ لڳو ته هن چيو ته نيوٽرلز ان جي سياست ۽ اقتدار کي بچائين، ادارن جو نيوٽرل هجڻ آئيني گهرج آهي. هن چيو ته سيمينار ۾ بيهي عمران خان چيو ته اڃا به وقت آهي، منهنجي ٻڏل سياست کي بچايو. هن چيو ته عمران خان پنهنجي ڀيٽ نواز شريف سان نه ٿو ڪري سگهي. عمران خان منتون ڪري پنهنجي سياست ۽ پنهنجي اقتدار کي بچائيندو رهيو، نيشنل سيڪيورٽي ڪميٽي جي ميٽنگ ۾ هڪ نه ٻه ڀيرا سيڪيورٽي ادارن چيو ته ڪنهن ٻاهرئين سازش جا ثبوت نه مليا، 31 مارچ 2022ع ۽ 22 اپريل 2022ع تي نيشنل سيڪيورٽي ڪميٽي جي ميٽنگز ۾ ان ڳالهه جي توثيق ڪئي وئي هئي ته ڪا ٻاهرئين سازش ناهي ٿي. هن چيو ته عمران خان کي خبر چڱي ريت خبر هئي ته بي اعتمادي رٿ ڪامياب ٿي رهي آهي ۽ ان جو اقتدار ان کان کسجي رهيو آهي، ان لاءِ هو روز تماشو لڳائي ڇڏيندو هو. اطلاعات واري وفاقي وزير چيو ته عمران خان پاڻ چيو آهي ته ان وٽ نواز شريف جي خلاف ڪو ثبوت نه هو. مريم اورنگزيب چيو ته اڄ نواز شريف سرخرو ٿيو آهي، ان تي ڪير آڱر نه ٿو کڻي سگهي، ڪير اهو نه ٿو چئي سگهي ته نواز شريف احتساب جي لاءِ پيش نه ٿيو. هن چيو ته عمران خان فاشسٽ، ظالم، ڪوڙو، نالائق، نااهل شخص آهي، ان جي نواز شريف سان ڪهڙي ڀيٽ، عمران خان نواز شريف جي منصوبن تي پنهنجون تختيون لڳايون. هن چيو ته جڏهن عمران خان کان اقتدار جي ڪرسيءَ کسجي وڃي ٿي ته هو چوي ٿو ته ملڪ ٽڪرا ٽڪڙا ٿي ويندو، هو وفاق جي اڪائين کي پاڻ ۾ ويڙهائڻ جي ڪوشش ڪري ٿو، ادارن جي اندر پنهنجي چيف آف اسٽاف جي ذريعي بغاوت جي ڪال ڏياري ٿو. هن چيو ته عمران خان اقتدار جي هوس ۾ ايترو اڳتي هلي ويو جو هن لسٻيلا ۾ هيليڪاپٽر حادثي جي شهيدن جي خلاف پنهنجي ٽرولرز ۽ پارٽي ترجمانن کان مهم هلرائي. هن چيو ته عمران خان مسجد نبوي ﷺ ۾ سياسي مخالفن جي خلاف نعرا لڳرايا ۽ اڄ اهي بيگناهه 10، 10 سال قيد جي سزا ڀوڳي رهيا آهن. هن چيو ته عمران خان وٽ ان جي فارن فنڊنگ جو جواب نه آهي ته هو چوي ٿو ته هو ڪنهن قانون جي اڳيان جوابده نه آهي. هن چيو ته جيڪڏهن ان وٽ جواب نه آهي ته پوءِ قانون موجود آهي. وفاقي وزير چيو ته نواز شريف ۽ شهباز شريف پنهنجي خلاف ڪوڙن الزامن تي جواب ڏنو، مريم نواز ڪوڙن الزامن تي پنهنجي والد کي سرخرو ڪرڻ جيل وئي، ڪٿي آهي بشريٰ بي بي ۽ فرح گوگي، جواب ڇو نه ٿيون ڏين؟ اطلاعات واري وفاقي وزير چيو ته عمران خان پنجاب جي ڪٺ پتلي وڏي وزير کي چيو ته شهباز گل کي جيل مان ڪڍيو وڃي، هن منهنجي چوڻ تي ٽرانسڪرپٽ پڙهيو، ان ۾ شهباز گل جي غلطي نه آهي. اطلاعات واري وفاقي وزير چيو ته هو نه ٿي چاهي ته هو عمران خان جي ترجمانن جي رستي تي هلي جنهن تي ڪنهن جو مذاق اڏايو ويندو هو. هن چيو ته عوام کي خبر هجڻ گهرجي ته ڪٿي ڪٿي ڊرامو ٿي رهيو آهي. اطلاعات واري وفاقي وزير چيو ته شهباز گل جي ميڊيڪل رپورٽس پاڻ ان جي پنهنجي ڊاڪٽرز ڏٺيون جيڪي چئي رهيون آهن ته شهباز گل بلڪل فٽ آهي. هن چيو ته شهباز گل کي ڪئميره ڏسي ساهه جي تڪليف ٿي وڃي ٿي. اطلاعات واري وفاقي وزير چيو ته عمران خان کي ٻڌائڻو پوندو ته کيس ڪهڙي ايجنسي ۽ ڪهڙي شخص بريفنگ ڏني، ڪنهن کيس اليڪشن ڪمشنر جي گارنٽي ڏني ۽ ڪهڙي گارنٽي ڏني هئي. عمران خان چاهي ٿو ته کيس هر اداري ۾ جاويد اقبال ملي جنهن کي وڊيو ڏيکاري ڪمپرومائز ڪري سگهجي ۽ اهڙي طرح نيب نيازي ڳٺ جوڙ ٺهي. هن چيو ته عمران خان ڪنهن جي ڀيڻ، ڌيءَ کي نه ڇڏيو، شهباز شريف جون ڌيئرون لاهور هاءِ ڪورٽ وڃي پيشيون ڀوڳينديون رهيون، انهن جي گهن تي حملا ڪرايا، فريال ٽالپر صاحبه جي گهر تي حملو ڪيو، انهن کي جيلن ۾ وڌو، اهو سڀ ڪجهه انو قت ٿيو جڏهن عمران خان وزيراعظم هو. هن چيو ته عمران خان صحافين تي تشدد ڪيو، مير شڪيل الرحمان کي گرفتار ڪري ميڊيا هائوسز کي پيغام ڏنو ته خاموش ٿي وڃو پر هاڻي خاموش ٿيڻ جو وقت عمران خان جو آهي، هاڻي الزامن جو تماشو ختم ٿيڻ گهرجي. هن چيو ته عمران خان ڪڏهن ايڪس وائي زيڊ جو نالو وٺي ٿو ۽ ڪڏهن چوي ٿو ته مون کي ايجنسين چيو هو، هو نالو ٻڌائي ان کي ڪهڙي اداري، ڪهڙي ايجنسي چيو هو، ڪنهن رپورٽ ڏني هئي ۽ ڪنهن گارنٽي ڏني هئي ۽ ڪهڙي گارنٽي ڏني هئي، انهن سڀني شين جو جواب اچڻ گهرجي. هن چيو ته عمران خان رڳو الزام هڻي ڀڄي نه ٿو سگهي. هن چيو ته فارن ايجنٽ عمران خان کي فارن ايڊيڊ پوليٽيڪل پارٽي جو جواب ڏيڻو پوندو. اطلاعات واري وفاقي وزير چيو ته عمران خان ٻوڏ جي نالي تي فنڊ ريزنگ ڪئي، شوڪت خانم اسپتال جي نالي تي فنڊز حاصل ڪيا، ڀارت، اسرائيل، آمريڪا، ڪئناڊا کان فنڊنگ ورتي ۽ ان فنڊنگ کي پنهنجي سياسي مقصدن جي لاءِ استعمال ڪيو، عمران خان کي ان فنڊنگ تي جواب ڏيڻو پوندو. هن چيو ته عمران خان ۾ ڪوڙ ڳالهائڻ جي تمام گهڻي همت ۽ حوصلو آهي. هن چيو ته عمران خان ڪوڙو، چور، منافق، نالائق، نااهل، فاشسٽ ۽ سسلين مافيا آهي، کيس قانون موجب ڏيڻو پوندو ۽ جيڪڏهن جواب نه ڏيندو ته اسان کي وٺڻ اچي ٿو. هڪ سوال جي جواب ۾ اطلاعات واري وفاقي وزير چيو ته ادارا پنهنجو ڪم ڪري رهيا آهن، ادارن عمران خان کان جواب گهريو آهي ۽ عمران خان چئي رهيو آهي ته هو جواب نه ڏيندو، هو قانون جو پابند نه آهي. هن چيو ته اليڪشن ڪميشن جو فيصلو آيو آهي، ان ۾ سموريون شيون رڪارڊ جو حصو آهن، جن ماڻهن کي طلب ڪيو ويو جيڪڏهن اهي نه اچي رهيا آهن ته قانون کي جواب وٺڻ اچي ٿو. هڪ ٻئي سوال تي هن چيو ته اصل مسئلن جي جڙ عمران خان آهي، عمران خان پاڻ چيو ته هن ايجنسين جي رپورٽس تي سياسي مخالفن کي جيلن ۾ وڌو. مريم اورنگزيب چيو ته عمران خان جي خيال ۾ رڳو هو پاڻ جمهوريت پسند آهي باقي سڀ غيرجمهوري ماڻهو آهن. جيڪڏهن هو اقتدار ۾ اهي ته ملڪ مستحڪم آهي، هو اقتدار کان ٻاهر هجي ته ملڪ کي باهه لڳائڻ ۽ ورڇ ڪرڻ جي ڳالهه ڪري ٿو. هن چيو ته عمران خان ملڪي معيشت تباهه ڪئي، ماڻهن کي بيروزگار ڪيو، مهانگائي ڪئي ڇو ته ان جي ترجيح انهن شين کي ٺيڪ ڪرڻ نه هو ۽ جڏهن ٻي حڪومت آئي ته هن چيو ته ٻاهرئين ملڪ سازش ٿي اهي. هن چيو ته عمران خان هڪ طرف اليڪشن جي ڳالهه ڪري رهيو آهي ۽ ٻئي طرف هو ان حڪومت کي مڃڻ لاءِ تيار نه آهي ته پو اليڪشن کي ڪيئن مڃيندو. هن چيو ته اليڪشن ڪرائڻي هئي ته ان وقت ڪرائي ها جڏهن ان وٽ اختيار هو، هو پاڻ وزيراعظم هو. ان وٽ پنجاب، خيبرپختونخواهه ۽ وفاق جون حڪومتون هيون، هو اسيمبليون تحليل ڪري ها ۽ چوي ها ته منهنجي خلاف سازش ٿي آهي ۽ آئون اليڪشن ۾ وڃي رهيو آهيان. هن چيو ته جنهن وقت بي اعتمادي جي رٿ ڪامياب ٿيڻ لڳي ۽ ان کان اقتدار وڃڻ لڳو ته ان وقت هن چيو ته ٻاهرئين ملڪ مان سازش ٿي رهي آهي. هن ادارن ۽ شهيدن جي خلاف مهمون هلايون، ملڪ کي ٻن ٽڪرن ۾ ورهائڻ جي ڳالهه ڪئي ۽ جڏهن ڳالهه ان تي آئي ته هو ڪنهن قانون کي نه ٿو مڃي، هو چ اهي ٿو ته پارليامينٽ، پنجاب ۽ خيبرپختونخواهه جا وڏا وزير، سپريم ڪورٽ، نيب، ايف آءِ اي ان جي ماتحت هجن، ان جو فاشسٽ رويو پوري ملڪ ۾ هليو. هن چيو ته اهو تماشو وڌيڪ نه ٿو هلي سگهي، هاڻي کيس پنهنجي اعمالن جو جواب ڏيڻو پوندو. هڪ ٻئي سوال تي مريم اورنگزيب چيو ته عمران خان چار سالن تائين سي پيڪ جي منصوبن کي روڪي رکيو، سي پيڪ جي منصوبن سان ملڪ جي ماڻهن جو روزگار واڳيل آهي، ملڪ جا اهم منصوبا هئا، سال ۾ هڪ ميٽنگ ٿيڻي هئي پر هن چار سالن تائين سي پيڪ تي ڪا ميٽنگ نه گهرائي. هن چيو ته عمران خان سي پيڪ منصوبن سان گڏوگڏ چين جي حڪومت کي به تڪراري بڻائي ڇڏيو ته سي پيڪ جا منصوبا ڪرپشن تي ٻڌل آهن. هن چيو ته عمران خان فارن فنڊنگ جي ذريعي اها سازش ڪري رهيو هو. هن چيو ته 72 سالن ۾ ڀارت جي ڪڏهن به ڪشمير تي نظر نه کڄي پر عمران خان پنهنجي دور ۾ ڪشمير جو سودو ڪيو، هي جڏهن آمريڪا مان واپس آيو ته چيو ته آئون ورلڊ ڪپ کڻي آيو آهيان، مون کي ثالثي جو چيو آهي، جيڪو شخص ٻن ماڻهن جي وچ ۾ ڳالهه نه ڪري سگهي اهو ثالثي ڇا ڪندو. مريم اورنگزيب چيو ته عمران خان کي سازش کانسواءِ ڪجهه نه ٿو اچي، سازشي خط کان وٺي سازش جي بيانيي تائين هو هڪ ئي ڳالهه ڪري ٿو پر ان وٽ ثبوت ناهي هوندو. ان کان سوال پڇو ته ان وٽ جواب ناهي هوندو. پيٽروليم مصنوعات جي قيمتن جي حوالي سان سوال جي جواب ۾ اطلاعات واري وفاقي وزير چيو ته ناڻي وارو وفاقي وزير مفتاح اسماعيل ان حوالي سان تفصيلي طور تي ٻڌائي چڪو آهي، گذريل مهيني جڏهن ڊالر جي قيمت وڌي رهي هئي ته حڪومت پيٽرول جي قيمت گهٽ ڪئي هئي. هن چيو ته عمران خان جيڪا تباهي ڪري ويو آهي، عوام ان کان شديد متاثر ٿي آهي پر حڪومت عوام کي هر ممڪن ريليف فراهم ڪندي. هڪ ٻئي سوال تي هن چيو ته جتي قانون جي خلاف ورزي ٿي آهي ان جو حساب ورتو ويندو ڀلي اهو عمران خان هجي يا شهباز گل.
