ڪراچي – 24 – اپريل (اي پي پي) پاڪستان پيپلزپارٽي جي چيئرمين ۽ پرڏيهي وزير بلاول ڀٽو زرداري ڪوئيٽا ضلعي جي اڳوڻي صدر عبدالقادر ساسولي سان سندس والده جي لاڏاڻي تي افسوس ۽ همدرديءَ جو اظهار ڪيو. بلاول هائوس ميڊيا سيل پاران جاري بيان موجب بلاول ڀٽو زرداري تعزيتي پيغام ۾ چيو آهي ته قيادت سميت پوري پارٽي توهان جي ڏک ۾ برابر جي شريڪ آهي. بلاول ڀٽو زرداري مرحومه جي لاءِ جنت الفردوس ۽ پونئيرن جي لاءِ صبر جميل جي دعا پڻ ڪئي.
