اسلام آباد – 19 – مئي (اي پي پي) وزيراعظم محمد شهباز شريف جماعت اسلامي جي امير سراج الحق جي قافلي تي خودڪش حملي جي سخت لفظن ۾ مذمت ڪندي زخمين کي بهترين طبي سهولتون فراهم ڪرڻ جي هدايت ڪئي آهي. وزيراعظم آفيس جي ميڊيا ونگ پاران جاري بيان موجب وزيراعظم واقعي ۾ قيمتي جاني نقصان تي گهري ڏک ۽ افسوس جو اظهار ڪيو آهي. وزيراعظم واقعي جي جاچ جو حڪم ڏئي ڇڏيو ۽ لاڳاپيل عملدارن کي زخمين کي بهترين طبي سهولتون فراهم ڪرڻ جي هدايت ڪئي آهي. هن واقعي ۾ فوت ٿيندڙن جي مغفرت ۽ پونئيرن جي لاءِ صبر جميل جي دعا پڻ ڪئي.
