اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي ترقياتي پروگرام (پي ايس ڊي پي) ۾ قانون ۽ انصاف واري وزارت جي 10 جاري ۽ 3 نئين منصوبن جي لاءِ مجموعي طور تي 1400 ملين رپيا رکيا ويا آهن. جاري ڪيل سالياني ترقياتي پروگرام ۾ قانون ۽ انصاف واري وزارت جي 10 جاري منصوبن ۾ وفاقي عدالتن ۽ ٽربيونلز جي لاءِ 160 ملين رپيا، قانون ۽ انصاف واري وزارت ۾ رڪارڊ جي ڊيجيٽلائيزيشن جي لاءِ 43 ملين رپيا، اسلام آباد هاءِ ڪورٽ شاهراهه دستور جي سهولت مرڪز جي تعمير جي لاءِ 550 ملين رپيا، قانون ۽ انصاف واري وزارت ۾ مانيٽرنگ يونٽ جي بهتري لاءِ 51.999 ملين رپيا، سپريم ڪورٽ برانچ رجسٽري ڪراچي جي نئين عمارت جي تعمير لاءِ 223.412 ملين رپيا، وفاقي وزارتن ۾ قانون واري وزارت جي ليگل ونگ جي لاءِ 38 ملين رپيا، نيشنل جوڊيشل آٽوميشن يونٽ پي سي ٽو جي لاءِ 28.985 ملين رپيا، فيڊرل ڪورٽس ڪمپليڪس پشاور جي تعمير جي نظرثاني شده جي لاءِ 26.969 ملين رپيا، فيڊرل ڪورٽس/ ٽربيونلز ڪمپليڪس لاهور جي تعمير جي لاءِ 80 ملين رپيا، فيڊرل جوڊيشل اڪيڊمي جي تعمير جي لاءِ 60.888 ملين رپيا رکيا ويا آهن جڏهن ته قانون واري وزارت جي نئين ٽن اسڪيمن ۾ اٽارني جنرل آف پاڪستان سميت ٻين لاڳاپيل آفيسن جي تعمير جي لاءِ 16.900 ملين رپيا، وفاقي ٽربيونلز ڪورٽس ڪمپليڪس جي ڪوٽا ۾ زمين جي خريداري جي لاءِ 36.917 ملين رپيا جڏهن ته فيڊرل جوڊيشل ڪمپليڪس ۾ آءِ سي ٽي لائبريرين جي قيام لاءِ 82.930 ملين رپيا رکيا ويا آهن.
