اسلام آباد – 10 – جولاءِ (اي پي پي) ڊاڪٽر سيد محمد انور وفاقي شرعي عدالت جي عالم جج جي عهدي جو حلف کڻي ورتو. صدر ڊاڪٽر عارف علوي کانئس عالم جج جي عهدي جو حلف ورتو. حلف برداري جي تقريب ايوان صدر ۾ ٿي. چيف جسٽس وفاقي شرعي عدالت، قانون ۽ انصاف واري وزارت جا عملدار ۽ وڪيل نمائندا تقريب ۾ شريڪ هئا. صدر ڊاڪٽر سيد محمد انور کان باضابطه حلف ورتو. واضح رهي ته صدر ڊاڪٽر عارف علوي ڊاڪٽر سيد محمد انور جي وفاقي شرعي عدالت جي عالم جج طور مقرري ڪئي آهي، ان جي مقرري جو مدو 3 سال آهي.
