اسلام آباد 17 نومبر (اے پي پي) نېشنل لاجسټك سېل﴿ اېن اېل سي﴾ په ګلګت بلتستان كښې په څلورو مهمو پروژو كار كوي چې ورسره به د سيمې د اولس په سماجي او معاشي حالاتو كښې مثبت بدلون راشي۔ د اېن اېل سي لخوا جاري شوي بيان له مخې په دې پروژو كښې د ګلګت نلتر سړك بيا رغونه٬ د زړه د رنځ جديد روغتون٬ د تكنيكي تربيې اداره او په ګلګت كښې د اوبو ويستلو د پلانټ تنصيب شامل دي۔ په دې پروژو د ګلګت بلتستان په فنډونو د نفع نقصان نه بغېر كار روان دے۔ په ګلګت بلتستان كښې پروژو لپاره خاص مانېټرنګ يونټ هم جوړ كړے شوے۔
