اسلام آباد 12 فروری (اے پی پی )وزيراعظم عمران خان په ټول هېواد كښې د ګاز غلا په ضد د كريك ډاؤن پېل كولو امر كولو سره سپارښتنه كړې چې د ګاز غلا مخ نيوي په اړه هېڅ ډول نرمي يا رعايت اونه كړې شي۔د نهې پھ ورځ د وزيراعظم عمران خان په مشرۍ كښې د ګاز څانګې په اړه د معاملو جاج اخستلو لپاره د لوړې پاې غونډه وشوه۔په غونډه كښې د خزانې وزير اسد عمر٬د اطلاعات وزير چوهدري فواد حسېن٬د پیټروليم وفاقي وزير غلام سرور خان٬د تجارت سلاحكار عبدالرزاق داؤد٬د توان ټاسك فورس چيئرمېن نديم بابر وفاقي سېكترانو٬د اوګرا چيئرمېن٬د سوئي نادرن او د سوئي سدرن كمپنو مشرانو او نورو اعلٰی چارواكو ګډون وكړو۔ غونډه كښې وزيراعظم ته په هېواد كښې د ګاز اوسني صورتحال او په راتلوونكو كلونو كښې د ضروريات تر مخه د رسد او طلب په اړه تفصيلي بريفنګ وركړې شو۔وزيراعظم ته ووئيل شول په دې وخت كښې د 50 اربه روپو د ګاز غلا كېږي۔د دې ګاز شمېره نه كېږي او په يو اېف جي كښې اچولې كېږي۔د دې غلا كېدونكي/ضائع كېدونكي ګاز بوج په صارفينو اچولې كېږي۔وزيراعظم امر وكړو چې په ټول هېواد كښې د ګاز غلا په ضد كريك ډاؤن پېل كړئ۔وزيراعظم ته په كال 2019م او كال 2020م كښې د كاز ضروريات تر سره كولو په اړه په لائحه عمل هم تفصيلي بريفنګ وركړې شو۔ غونډه كښې پريكړه وكړې شوه چې په راتلوونكو مياشتو كښې د برېښنا او نورو څانګو د ګاز ضروريات تر نظره ساتلو سره دې په سمدستي توګه 200 اېم سي اېف ډي ګاز نور راغوښتلې شي۔د ګاز په بلونو كښې د زياتوالي ګېلو په اړه هم وزيراعظم ته تفصيلي بريفنګ ورګړې شو۔وزيراعظم ته ووئيل شول د بهر نه راوړونكي ګاز د ګران اخستلو لوظ نامو او نورو خرڅونو سره هم د 91 فيصده ګاز صارفينو په بلونو كښې يوازې د 12 نه تر 35 فيصده اضافه شوې
