اسلام آباد 21 جون (اے پي پي) د وزيراعظم د سياسي او اولسي چارو سلاحكار انجينئر امير مقام وئيلي دي چې ميډيا په اولس كښې په قامي كچه شعور بېدارولو كښې مهم كردار لري۔ د دې خيالاتو څرګندونه ده د نېشنل لېنګوېج پروموشن ډيپارټمنټ تر سېوري لاندې د د اردو صحافت 75 كاله” په سرخط دوېم نړيوال كنفرنس ته خپلې وېنا كښې وكړه۔ انجينئر امير مقام د آزادۍ په تحريك او په استحکام پاکستان كښې د اردو صحافت په كردار رڼا اچولو سره ووئيل دې لړ كښې خبريالانو عظيم خدمات ترسره كړې دي ٬ د هېواد او جمهوريت په خاطر ئې قربانۍ وركړې دي۔ د دې نه وړاندې د کنفرنس د پرانستې غونډې مشري هم انجينئر امير مقام وكړه٬ د يادونې وړ ده چې د يو ورځني كنفرنس تابيا د پاكستان ډائمنډ جوبلي دستور په لړ كښې شوې ده او د دې مقصد په ادب كښې د اردو صحافت خدمات رامخې ته كول دي۔ په دې موقع د قامي ورثه او كلتور وفاقي سېكتره فارينه مظهر، ادبي شخصيت افتخار عارف، سينئر خبريال مجيب الرحمان شامي، خبريال حفيظ الله نيازي، اشفاق حسېن او فرحت الله بابر هم موجود ٶ
