اسلام آباد۔19جولائی (اے پی پی) وزيراعظم شهباز شريف د نوي اسلامي كال په رارسېدو اولس ته مباركي وركولو سره وئيلي دي چې دا نوے كال دې پاكستان او اسلامي نړۍ له د امن٬ پرمختګ او سوكالۍ كال وي٬ سيدنا امام حسېن (رض) او د هغه مېړنو ملګرو د صداقت او عدل اصول په ځايې ساتلو له ځانګړې قربانۍ وركړې۔ د وزيراعظم آفس ميډيا ونګ لخوا د جاري شوي بيان له مخې وزيراعظم د هجري كال 1445ھ په پېل د قام په نامه خپل پېغام كښې ووئيل ټول قام او اسلامي نړۍ ته دې دا نوے كال مبارك وي۔ زما دعا ده چې دا نوے كال ګران هیواد پاکستان او ټولې اسلامي نړۍ لپاره د سولې، پرمختګ او سوکالۍ کال وګرځي، زما دعا ده چې په ګرده نړۍ كښې كوم كسان كومو ستونزو سره مخ دي هغوي لپاره دې پاك پروردګار آسانۍ پېدا كړي۔ ٬ په كشميري او فلسطيني وګړو روان ظلم زياتې دې پاك پروردګار ختم كړي او دغلته د امن رڼا دې زمونږ د مسلمانو وروڼو او خویندو ژوند د پرمختګ او سوکالۍ سره روښانه کړي. وزيراعظم ووئيل نوې اسلامي كال مونږ ته هغه ترخې ګھړۍ هم يادوي كله چې د حق او باطل په معركه كښې د آل رسول (ص) حضرت امام حسېن (رض) په مشرۍ كښې مېړنو د خپلو ځانونو قرباني وركړه۔ سیدنا امام حسین (رض) او د ده ملګرو د حق او عدل اصولو په ځايې ساتلو له ځانګړې قربانۍ وركړې۔ دا پېښه مونږ ته د خواخوږۍ ٬ انصاف او د يو والي د اقدار ياد راكوي كوم چې زمونږ د ايمان مركزي برخې دي او مونږ ته د ظلم او جبر په وړاندې د اودرېدو درس راكوي۔ ده ووئيل راځۍ چې په دې ورځ لوظ وكړؤ چې مونږ به د نبي علېه السلام او د هغوي د صحابه كرامو صفات خپلولو او د هغوي د اتباع كولو هڅه كوؤ۔ راځۍ چې خپله منځه اختلافات ختمولو سره يو بل لپاره احترام ته وده وركړؤ۔ د يوې داسې ټولنې جوړولو له هڅه وكړو كومه چې د سماجي انصاف ٬ مساواتو او خواخوږۍ اصول په ځايې وساتي۔ زما دعا ده چې پاك پروردګار څنګه د يو كال په كمه موده كښې ګران هېواد پاكستان لپاره زمونږ هڅې قبول كړې او زمونږ ستونزې يۍ تر ډېره حده كمې كړې دغسې دې ټول عمري دا ستونزې ختمې كړي او زمونږ هېواد دې د پرمختګ او معاشي سوكالۍ مركز جوړ كړي۔ ده ووئيل مونږ له به د يو قام په توګه يو موټې كېدل او د خپل هېواد روښانه سباؤن له كار كول وي۔ تل دے وي پاكستان
