پېښور ۔ 18 دسمبر (اے پی پی) د وزیراعظم خصوصي مرستيال مولانا طاهر اشرفي وئيلي دي د حجاج كرام تربيه زياته ضروري ده٬ حجاج كرام دې وېډيو او عكسونه جوړولو څخه ډډه وكړي۔ په پېښور كښې دستورې ته خپل خطاب كښې مولانا طاهر اشرفي ووئيل د ډالر بيعه ټيټېدو سره د سركاري حج په مصاريفو كښې يو لك روپې كمے راغلے دے٬ نجی ټور آپرېټرز دې هم حجاج كرامو ته آسانۍ وركړي۔ ده ووئيل نګران حكومت بايد كرپشن څخه پاك وي۔ دغسې مولانا طاهر اشرفي په ګورنر هاؤس كښې ګورنر حاجي غلام علي سره هم ملاقات وكړو او هغه سره يۍ په صوبه كښې د امنيت روانې وضعې او د مذهبي همغږۍ په اړه د خيالاتو څرګندونه وكړه۔ مولانا طاهر اشرفی ګورنر د مذهبونو ترمينځه همغږۍ او منځني ختيز او اسلامي هېوادونو كښې د مېشته پاكستانيانو خېر ښېګړې د چارو څخه خبر كړو۔ ګورنر ووئيل په غزه كښې په تش لاسې فلسطيني اولس د روان ظلم او زياتي مخنيوي له نړيوال قوتونه بايد خپل كردار ترسره كړي
