xاسلام آباد ۔ 7 ستمبر (اے پی پی) وزیراعظم عمران خان اسلام آباد دے علاقہ ترلائی اچ ماڈل پناہ گاہ دا دورہ کیتے، اتھاں مختلف سہولتاں اتے انفراسٹرکچر دا جائزہ گھدے۔ وزیراعظم پناہ گاہ اچ لوکاں نال الوائے اتے انہاں نال رل تے کھاونڑا وی کھادے۔وزیراعظم میڈیا آفس موجب آندے ترائے مہینے اچ وفاقی دارالحکومت دیاں پنجے پناہ گاہواں کوں ری ماڈل کیتا ویسی اتے پورے ملک اچ پناہ گاہواں ری ماڈلڈ پناہ گاہیں بنڑایاں ویسن۔دورے ویلھے معاون خصوصی برائے تخفیف غربت و سماجی تحفظ ڈاکٹر ثانیہ نشتر، ایم ڈی پاکستان بیت المال عون عباس بپی اتے وزیراعظم دے فوکل پرسن برائے پناہ گاہ نسیم الرحمن وزیر اعظم کوں پناہ گاہ اچ انتظامی امورو اصلاحات بارے ڈسایا۔وفاقی وزیر برائے منصوبہ بندی اسد عمر، وزیر برائے مواصلات مراد سعید، مشیر برائے احتساب بیرسٹر شہزاد اکبر، معاون خصوصی سید ذوالفقار عباس بخاری، علی نواز اعوان، راجہ خرم نوازاتے بئے اعلی عہدیداران وی وزیراعظم دے نال ہن۔
