اسلام آباد۔13فروری (اے پی پی) اپݨی آواز اتے لب و لہجے کیتےپاکستان دے معروف ٹی وی اینکر، ہدایتکار،صدا کار اتے مصنف ضیا ءمحی الدین انتقال کر ڳے۔ ضیاء محی الدین دی عمر 92 سال ہئی اتے او کجھ عرصے توں بیمار ہن۔ انگریزی اتے اردو زبان اچ لفظاں دے تلفظ دی درست ادائیگی ہووے یا تاریخ دے حوالے، ہر موضوع تے ضیا محی الدین دی گرفت مضبوط ہئی۔ ضیا ءمحی الدین 20 جون 1931 کوں پاکستان دے شہر فیصل آباد اچ ڄمیے ہن۔ 50 دے ڈھاکے اچ لندن دی رائل اکیڈمی آف ڈراماٹک آرٹ توں اداکاری دی باقاعدہ تربیت ڳھدی۔ 1960ء اچ جݙاں ای ایم فوسٹر دے مشہور ناول اے پیسج ٹو انڈیا کوں سٹیج تے پیش کیتا ڳیا تاں ضیا محی الدین ایندے اچ ڈاکٹر عزیز دا کردار ادا کرتے شائقین دی توجہ حاصل کیتی۔ 1962ء اچ انہاں کوں فلم’ لارنس آف عربیا‘ اچ کم کرݨ دا موقع ملیا تاں انہاں ایں فلم اچ وی ہک یادگار کردار ادا کیتا۔ ضیا محی الدین 13 فروری 2023 سنوار کوں دنیا دا اپݨا پندھ پورا کرݨ دے بعد ایں جہان توں ٹر ڳے۔
