اسلام آباد۔4اگست(اے پی پی):وفاقی وزیر اطلاعات و نشریات مریم اورنگزیب آکھیے جو آزادی اظہار رائے تے بھاشݨ ݙیوݨ آلیاں 4 سال پارلیمان اچ میڈیا کارنر بند رکھیے، اساں میڈیا تے سنسر شپ دے بالکل خلاف ہیں، پارلیمنٹ ہائوس دے ٻاھرو میڈیا نال الیندے انہاں اکھیا جو قومی اسمبلی توں منظوری دے بعد پیمرا (ترمیمی) بل 2023ء سینیٹ اچ وی پیش کیتے، ایں بل دی تیاری تے 12 مہینے صلاح مشورہ کیتے، ساریاں میڈیا تنظیماں، پارلیمانی رپورٹرز ایسوسی ایشن وی اپݨی رائے ݙتی اے، اے بل پاکستان اچ آزادی اظہار رائے کوں تکڑا کریسی، بل اچ مس انفارمیشن اتے ڈس انفارمیشن اچ فرق ݙسایا ڳئے، چیئرمین پیمرا توں اختیار ڳھن تے اتھارٹی اتے ول کونسل آف کمپلینٹ کوں ݙتے جتھاں میڈیا دی وی نماعندگی ہوسی، پیمرا ترمیمی بل دی میڈیا تنظیماں، قومی اسمبلی، قومی اسمبلی دی قائمہ کمیٹی اطلاعات و نشریات اتفاق رائے نال منظوری ݙتی اے جو اے ہک سنجیدہ قانون سازی اے، ایکوں متنازعہ نئیں ٻݨاوݨا چاہندے، اے بل سینیٹ دی قائمہ کمیٹی کوں ٻھڄوا ݙتا ڳئے۔ وفاقی وزیر آکھیے جو مسلم لیگ (ن) دی پوری قیادت سنسر شپ ٻھوگی اے، ساݙی کوشش اے جو بل تے تعمیری رائے آوݨی چاہیدی اے جو چنڳی قانون سازی تھیوے، مخالفت برائے مخالفت نئیں ہووݨی چاہیدی۔ انہاں آکھیے جو قائمہ کمیٹی اطلاعات و نشریات دے نا ہووݨ تے چیئرمین سینیٹ کمیٹی ارکان اچوں کہیں کوں وی قانون سازی کیتے قائم مقام چیئرمین ٻݨا سڳدن، ساݙا مقصد اتے نیت صاف اے، انشاءاللہ اے بل سینیٹ توں وی منظور تھیسی۔
