اسلام آباد۔30ستمبر (اے پی پی) نگران وزیراعظم انوار الحق کاکڑ آکھیا جو حکومت دہشتگردی دی لعنت کوں منڈھوں پٹݨ اتے ذمہ واراں کوں کٹہرے اچ ڳھن آوݨ کیتے پرعزم اے۔ پی ایم آفس توں جاری بیان موجب اے ڳالھیں انہاں چھݨ چھݨ کوں برطانیہ دے خارجہ دولت مشترکہ اتے ترقیاتی امور دے وزیر جیمز کلیورلے نال ٹیلی فون تے ڳالھ مہاڑ کریندیں ہوئیں آکھی۔ برطانوی وزیر خارجہ ہنگو اتے مستونگ اچ دہشتگردی دے حملیاں دی مذمت کیتی اتے انہاں حملیاں اچ جاں بحق تھیوݨ آلیاں دے لواحقین نال یکجہتی کیتی۔ نگران وزیراعظم یکجہتی کریندیں ہوئیں برطانیہ دے وزیرخارجہ دا شکریہ ادا کیتا اتے دہشت گردی دی لعنت کوں منڈھوں پٹݨ اتے دہشت گردی دے واقعیاں دے ذمہ واراں کوں انصاف دے کٹہرے اچ ڳھݨ آوݨ کیتے پرعزم اے۔
