اسلام آباد – 19 – اپريل (اي پي پي) صدر آصف علي زرداري ترڪيه جي چيف آف جنرل اسٽاف جنرل متين گورڪ کي بهترين انتظامي ڪارڪردگي تي نشان امتياز (ملٽري) سان نوازيو. ايوان صدر ۾ پروقار تقريب ٿي جنهن ۾ چيئرمين جوائنٽ چيفس آف اسٽاف ڪميٽي جنرل ساحر شمشاد، ٽنهي هٿياربند فوج جا سينيئر عملدار، غيرملڪي سفارتڪارن جو وڏو انگ موجود هو. صدر آصف علي زرداري بهترين انتظامي ڪارڪردگي، ترڪيه ۾ امن ۽ استحڪام ۽ پاڪستان سان ويجهي لاڳاپن ۾ اهم ڪردار ادا ڪرڻ تي ترڪيه جي چيف آف جنرل اسٽاف جنرل متين گورڪ کي نشان امتياز (ملٽري) عطا ڪيو.
