اسلام آباد – 20 – مئي (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ڪالهه سومر ڏينهن اسلام آباد ۾ ترڪ پرڏيهي وزير باڪان فيدان سان وفدن جي سطح تي ڳالهه ٻولهه ڪئي. پرڏيهي آفيس پاران جاري بيان موجب ٻنهي اڳواڻن ٻطرفي تعاون تي اڳڀرائي جو جائزو ورتو ۽ گڏيل دلچسپي جي علائقائي ۽ عالمي معاملن تي خيالن جي ڏي وٺ ڪئي. ملاقات دوران ڌرين واپار، سيڙپڪاري ۽دفاع سميت گڏيل دلچسپي جي سمورن شعبن ۾ ٻطرفي تعاون جي دائري کي وڌيڪ وسيع ڪرڻ جي پختي عزم جو اظهار ڪيو. هن پاڪستان ترڪ هائي ليول اسٽريٽجڪ ڪوآپريشن ڪائونسل جي ايندڙ اجلاس جي انتظامن تي پڻ خيالن جي ڏي وٺ ڪئي.
