اسلام آباد۔12جنوری(اے پی پی) ایڈیشنل سیکرٹری خارجہ (مشرق وسطی) رضوان سعید شیخ مصر دورے دے موقع تے گزریل ݙینھ مصر دے معاون وزیر خارجہ ایشیا احمد شاہین نال ملاقات کیتی ۔ ترجمان دفتر خارجہ توں جاری بیان موجب ملاقات اچ مصراچ پاکستان دے سفیر ساجد بلال وی موجود ہن۔ فریقین سیاسی، تجارتی اتے سرمایہ کاری دے تعلقات سودھے ݙوطرفہ تعلقات دے وسیع امور دا جائزہ ڳھدا۔ انہاں ݙوطرفہ تعلقات کوں مزید تکڑا بݨاوݨ دے طریقیں تے وی ڳالھ مہاڑ کیتی جیں اچ مشترکہ وزارتی کمیشن دے اڳلے دور دا اجلاس اتے ایں سال دے چھیکڑ اچ اسلام آباد اچ سالانہ ݙوطرفہ مشاورت دا انعقاد شامل اے۔ ایڈیشنل سیکرٹری خارجہ اتے معاون وزیر خارجہ ایشیا 9 توں 11 جنوری کوں قاہرہ اچ تھیوݨ آلی چوتھی پاکستان-افریقہ تجارتی ترقی کانفرنس اتے سنگل کنٹری نمائش دے کامیابی دی تعریف کیتی جیڑھی سفارتی تعلقات دے قیام دی 75 ویں سالگرہ دے موقع تے تھئی۔
