اسلام آباد 09 جولائي (اے پي پي) ماحولياتي بدلون لپاره د سېنېټ د قائمه كمېټۍ غونډه د نهې په ورځ د سينيټر شيري رحمان په مشرۍ كښې وشوه چې پكښې د ماحولياتي بدلون لپاره د وزيراعظم کوآرډينيټرې رومينه خورشيد، د نيشنل ډيزاسټر مينجمنټ اتھارټي چيئرمين ليفټيننټ جنرل انعام حېدر ملك، د ماحولياتي بدلون سيکرټري، د پاکستان ميټ ډپارټمنټ ډي جي او نورو چارواكو ګډون وكړو ٬ د كمېټۍ غړو سينيټرز نسيمه احسان، پلوشه خان، منظور احمد کاکر، بشريٰ انجم بټ، قرته العين مري، ډاکټر زرقا سهروردي تېمور او شبلي فراز هم په غونډه كښې ګډون درلود ۔ په دې موقع د نيشنل ډيزاسټر مينجمنټ اتھارټۍ چيئرمين ليفټيننټ جنرل انعام حېدر ملك د پشكال بارانونو په اړه كمېټۍ ته بريفنګ هم وركړو۔په دې موقع سینیټر شیری رحمان ووئيل این ډي اېم اے او میټ ډیپارټمنټ د معمول څخه د زياتو بارانونو پیشنګوئي كړې، د بارانونو نه علاوه مونږ د نور ماحولیاتی بدلون بحرانونو سره مخ يو۔دې ووئيل د ګرانټس نشتوالې په وجه د محکمې آلات اپ ډیټ نه دي،د ماحوليات محکمې ته د آلات اپ ډیټ کولو لپاره زيات فنډ ته ضرورت دے، د 2022 سېلاب نه پس ټول فنډز سېلاب ځپليو سيمو له بيل كړے شو۔دې ووئيل پي ډي اېم اے او د نورو سيمه ايزو ادارو صلاحیت به زياتول وي دغسې چې د آفتونو مخنيوې وكړے شي ، سندھ كښې رزیلینټ هاؤسنګ پروګرام روان دے ، اسلام آباد كښې د مارګله په ځنګلو كښې د اور لګيدلو پېښې د اندېښنې وړ دي ۔ سېنېټر شیری رحمان ووئيل د اور لګيدلو پېښو مخنيوي لپاره بايد سي ډي اے او د اسلام وائلډ لائف مینجمنټ بورډ په ګډه كار وكړي۔دې ووئيل د ماحولیاتی بدلون ټولو ادارو له به په شريكه په چیلنجونو قابو موندل وي۔
