کراچی ۔ 08 ستمبر (اے پی پی) وزیراعظم محمد نوازشریف آکھیا جو کراچی توں پشاور تئیں موٹر وے بنڑائی ویسی،بلوچستان دے چپہ چپہ اچ سڑکاں بنڑدیاں پئن ،بجلی تے گیس دی گھٹکی ختم کیتی ویسی،حکومتی اقدامات پاروں کاروباری سرگرمیاں اچ ودھارا تھیا،برآمدات اچ ودھارے سانگے مختلف تجویزاں دا جائزہ گھندے پیسے،کراچی سٹاک ایکسچینج دا 100انڈیکس 40ہزار دی اُچی ترین سطح تے اے۔اے گالھیں انہاں خمیس کوں سٹاک ایکسچینج دی چنگی کمپنیاں کوں ایوارڈ ڈیونڑ دی تقریب نال خطاب کریندیں ہوئیں آکھی۔بجلی بنڑاونڑ سانگے نہ صرف پورے ملک اچ کارخانے لاتے ویندے پئن جڈانجو سستی بجلی وی پیدا کریندے پیسے ۔پی آئی اے،ریلوے سمیت بئے اداریاں کوں بہتر بنڑیندے پیسے۔انہاں آکھیا جو اساڈی کوشش کیتی اے جو ہر پڑ اچ پاکستان ترقی کرے،اداریاں دی نجکاری توں فائدہ ملین ۔انہاں آکھیا جو دنیا آکھدی پئی اے جو پاکستان دا سٹاک ایکسچینج دنیا دے چنگے سٹاک ایکسچینجاں اچ شامل اے۔پاکستان دے میکرو اکنامک عشاریے بہتر ہن ۔پورٹ قاسم تھر سمیت پورے ملک اچ بجلی دے کارخانے لگدے پئن ۔انہاں آکھیا جو بینکاں دی نجکاری نال بینکاں منافع ڈیونڑ شروع کر ڈتے۔انہاں آکھیا جو نجکاری نال کوئی بے روزگاری کائنی تھی جڈانجو ملک اچ روزگار دا ودھارا تھیے۔وزیر اعظم آکھیا جو ٹیکساں دی وصولی اچ 60فیصد ودھارا تھیے۔وزیر اعظم آکھیا جو ٹیکساں دی وصولی اچ 60فیصد ودھارا تھیے۔انہاں آکھیا جو 1972دے بعد اداریاں دے نیشنلائزیشن نال ملک کوں ضیان تھیا،سفارشاں تے بے شمار بھرتیاں کیتیاں گئن ،معیشت بُڈ گئی اے،اساں صورتحال کوں چنگا بنڑائے اتے آپنڑے ترائے دور اچ ترقی دا سفر جاری رکھیے۔1991ء اچ نجکاری شروع تھی ،موٹروے سمیت ترقی تے خوشحالی دے منصوبے ڈتے،ایں ویلھے کراچی توں لاہور موٹروے تے کم جاری اے۔انہاں آکھیا جو کراچی توں حیدرآباد،حیدر آباد توں ملتان موٹروے پراجیکٹ جلدی پورا تھیسی اتے پورے ملک دا موٹروے نال رابطہ تھیسی۔انہاں آکھیا جو اج پی آئی اے دی پروازاں مسافراں نال بھری ہوئی ہن ایندا مطلب اے جو پاکستان ترقی کریندا پئے ۔تقریب نال وزیر خزانہ اسحاق ڈار وی خطاب کیتا اتے پاکستان دی معاشی صورتحال کوں اجاگر کیتا۔
.jpg)
.jpg)
