نيويارك 22 ستمبر (اے پي پي) وزيراعظم عمران خان سره د اېمنسټي انټرنېشنل عمومي سېكتر كومي نائيډو ملاقات وكړو۔ د ملاقات په موقع وزيراعظم په مقبوضه جمو او كشمير كښې د وروستيو پېښو او د بشري حقونو څخه سرغړونې په نړيواله كچه په ډاګه كولو كښې د اېمنسټي انټرنېشنل د كردار ستائنه وكړه۔ د دې ځايه جاري شوي بيان له مخې وزيراعظم عمران خان د ملګرو ملتونو د عمومي اسمبلۍ په غونډه كښې ګډون لپاره د امريكې دورې په مهال د اتوار په ورځ د اېمنسټي انټرنېشنل عمومي سېكتر سره ملاقات وكړو۔ په دې موقع وزيراعظم ووئيل چې په مقبوضه كشمير كښې د بشري حقونو ډلو ته اولس ته رسنه نه شي وركولې۔ وزيراعظم په مقبوضه جمو او كشمير كښې د وروستيو پېښو او د بشري حقونو څخه سرغړونې په نړيواله كچه په ډاګه كولو كښې د اېمنسټي انټرنېشنل د كردار ستائنه وكړه۔ د اېمنسټي انټرنېشنل عمومي سېكتر كومي نائيډو وزيراعظم د هندي حكومت لخوا په مقبوضه جمو او كشمير د بشري حقونو ډلو تر اولس د رسنې او د دوي په كار كښې د جوړول كېدونكو خنډونو نه خبر كړو۔
