اسلام آباد – 21 – اپريل (اي پي پي) وزيراعظم محمد شهباز شريف هدايت ڪئي آهي ته اورنج لائين ميٽرو بس سان گڏ راولپنڊي صدر ۽ اسلام آباد سيڪريٽريٽ طرف ميٽرو روٽ کي به ڳنڍيو وڃي، پشاور موڙ کان اسلام آباد ايئرپورٽ تائين ميٽرو روٽ کي ڳنڍڻ جي لاءِ فيض احمد فيض اسٽيشن تي جنڪشن سومر تائين تيار ۽ نئين روٽ سان ڳنڍجي ويندو. وزيراعظم ميڊيا آفيس پاران جاري بيان موجب وزيراعظم شهباز شريف پاران افتتاح کانپوءِ في الحال اورينج لائين ميٽرو پشاور موڙ تي اين ايڇ اي اسٽيشن کان ايئرپورٽ تائين فعال آهي. وزيراعظم سي ڊي اي چيئرمين کي هدايت ڪئي آهي ته هو اورنج لائين سان گڏ راولپنڊي صدر ۽ اسلام آباد سيڪريٽريٽ طرف ميٽرو روٽ کي به ڳنڍي، ان لاءِ فيض احمد فيض اسٽيشن تي هڪ جنڪشن تيار ڪيو پيو وڃي جيڪو سومر تائين تيار ٿي ويندو. سومر کان راولپنڊي جا مسافر وزيراعظم جي هدايت جي نتيجي ۾ هوائي اڏي جي ڪنيڪشن سان گڏوگڏ اورنج لائين جي ذريعي گولڙه ۽ نسٽ کان لنڪ به استعمال ڪري سگهندا. اهو وزيراعظم شهباز شريف پاران راولپنڊي اسلام آباد جي عوام لاءِ وڏو تحفو آهي.
