اسلام آباد – 22 – اپريل (اي پي پي) وزيراعظم شهباز شريف چيو آهي ته انسانيت کي ماحولياتي تبديلين جا وڏا چئلينجز درپيش آهن، زمين جي قدرتي ايڪو سسٽم جي تحفظ جي لاءِ ٺوس عالمي ردعمل جي ضرورت آهي. پنهنجي ٽوئيٽ ۾ هن چيو ته ارٿ ڊي ملهائيندي اسان کي واضح طور تي آواز اٿارڻ گهرجي ته پنهنجي زمين جي قدرتي ايڪو سسٽم جي تحفظ جي لاءِ ٺوس عالمي ردعمل ضروري آهي، اهڙي طرح جي عالمي عمل جي لاءِ تيزي سان دروازا بند ٿي رهيا آهن. هن چيو ته اسان کي سرسبز ۽ پائيدار ترقياتي ماڊل جي لاءِ تيزي سان حرڪت ۾ اچڻو پوندو.
