اسلام آباد – 26 – اپريل (اي پي پي) وزيراعظم شهباز شريف سان انفارميشن ٽيڪنالاجي واري وفاقي وزير سيد امين الحق ۽ بحري معاملن واري وفاقي وزير سيد فيصل سبزواري ملاقات ڪئي. وزيراعظم آفيس جي ميڊيا ونگ مان جاري بيان موجب ملاقات ۾ موجوده سياسي صورتحال تي خيالن جي ڏي وٺ ڪئي وئي. ملاقات ۾ ملڪ ۾ جمهوريت جي استحڪام ۽ سماجي ڀلائي ۽ ترقي کي يقيني بڻائڻ لاءِ سمورين سياسي پارٽين سان گڏجي ڪم ڪرڻ تي اتفاق ڪيو ويو.
