اسلام آباد – 25 – مئي (اي پي پي) وزيراعظم شهباز شريف چيو آهي ته اڄ ڀارتي جمهوريت ۽ ان جي انصاف جي نظام لاءِ هڪ ڪارو ڏينهن آهي. ڪشميري حريت اڳواڻ ياسين ملڪ کي ڀارتي عدالت پاران ڏني ويندڙ سزا تي پنهنجي ٽوئيٽ ۾ ردعمل ڏيندي هن چيو ته ڀارت ياسين ملڪ کي جسماني طور تي قيد ڪري سگهي ٿي پر آزادي جي جنهن تصور جي هو علامت آهي ان کي قيد نه ٿو ڪري سگهجي. وزيراعظم چيو ته بهادر حريت پسند کي عمر قيد سان ڪشميرين جي خودمختياري جي حق جي جدوجهد کي سگهه ملندي.
