اسلام آباد – 11 – جون (اي پي پي) صدر ڊاڪٽر عارف علوي چيو آهي ته موسمياتي تبديلين سان مقابلي جو بهترين ذريعو تعليم آهي. ڇنڇر ڏينهن ماحولياتي تبديلي جي حوالي سان پنهنجي ٽوئيٽ ۾ هن چيو ته موسمياتي تبديلين سان مقابلي جو بهترين ذريعو تعليم آهي، اڻپڙهيل مائرن جي خاندانن ۾ ذهني ۽ جسماني ڪمزوري، آفتن، ٻوڏ ۽ قحط جا اثر وڌيڪ هوندا آهن، صدر چيو ته تعليم صحت جي اصولن ۽ غذائيت جي اهميت کي بهتر طريقي سان سمجهائيندي آهي، پاڪستان پنهنجي سمورين عورتن جي تعليم کي يقيني بڻائي.
