اسلام آباد – 15 – جون (اي پي پي) وزيراعظم شهباز شريف پنجاب ٽيڪسٽ بڪ بورڊ جي ڪتابن جي ڇپائي ۾ دير جو سخت نوٽيس وٺندي تعليم واري وزير رانا تنوير حسين کي معاملي تي فوري ڪارروائي ڪري رپورٽ پيش ڪرڻ جي هدايت ڪئي آهي. وزيراعظم آفيس جي ميڊيا ونگ مان جاري بيان موجب وزيراعظم تعليم واري وزير رانا تنوير حسين کي هدايت ڪئي ته والدين ۽ شاگردن کي درپيش تڪليفن کي فوري طور تي ختم ڪيو وڃي، هن مسئلي جي ذميدارن جو تعين ڪري ڪارروائي عمل ۾ آڻڻ جي به هدايت ڪئي، وزيراعظم حڪم ڏنو ته يقيني بڻايو وڃي ته آئنده اهڙي نوعيت جو مسئلو پيدا نه ٿئي.
