اسلام آباد – 04 – آگسٽ (اي پي پي) وزيراعظم محمد شهباز شريف چيو آهي ته ٻوڏ متاثرين جي بحالي اسان سڀني جو قومي مشن آهي، اسان کي گڏجي پاڪستان جي خدمت ڪرڻي آهي. پنهنجي ٽوئيٽ ۾ وزيراعظم چيو ته اڄ خيبرپختونخواهه جي ٻوڏ متاثرين سان ملاقات دوران مون انهن جي بحالي ۾ حڪومت پاران مڪمل تعاون جي خاطري ڪرائي آهي. هن چيو ته اسان جو تعلق ڪنهن به سياسي پارٽي يا علائقي سان هجي ٻوڏ متاثرين جي بحالي ۽ خدمت اسان سڀني جو قومي مشن آهي، پاڪستان اسان جو ديس آهي جنهن جي اسان کي گڏجي خدمت ڪرڻي آهي.
