نيويارڪ – 21 – سيپٽمبر (اي پي پي) وزيراعظم محمد شهباز شريف چيو آهي ته مسلم ليگ (ن) جي اڳواڻن کي ڪوڙن ڪيسن ۾ ڦاسائڻ جي لاءِ نيب هر حربو استعمال ڪيو، نيب ريفرنس ۾ احسن اقبال جي بريت سان ان جي ديانتداري ثابت ٿي آهي. پنهنجي ٽوئيٽ ۾و زيراعظم چيو ته نيب ريفرنس ۾ احسن اقبال جي بريت سان 2 حقيقتون ثابت ٿين ٿيون، اڳوڻي وزيراعظم عمران خان جي چوڻ تي مسلم ليگ (ن) ۽ ان جي اڳواڻن کي ڪوڙن ڪيسن ۾ ڦاسائڻ جي لاءِ نيب هر حد تائين وئي ۽ انهن کي ناجائز قيد ۾ رکيو ويو. وزيراعظم چيو ته احسن اقبال جهڙي شريف ۽ ايماندار شخص جي ديانتداري ڀرپور طريقي سان ٻيهر ثابت ٿي آهي.
