گڏيل قومون -06 آڪٽوبر (اي پي پي ) گڏيل قومن جي جنرل اسمبلي جي اجلاس ۾ پاڪستان ۾ ٻوڏ سبب ٿيندڙ تباهي تي پاڪستاني عوام ۽ حڪومت سان يڪجهتي ۽ حمايت جي اظهار لاءِ قرار داد جي مسودي تي ڪاروائي ڪندي . گڏيل قومن جي 193 رڪني جنرل اسمبلي جي صدر جي ترجمان پولينا ڪوبيڪ هڪ بريفنگ ۾ چيو ته جنرل اسمبلي جمعي واري ڏينهن تي پاڪستان لاءِ پيش ڪيل ي قرار داد جي مسودي تي ڪاروائي ڪندي جنهن ۾ ٻوڏ سبب ٿيندڙ جاني ۽ مالي نقصان تي پاڪستاني عوام ۽ حڪومت سان يڪجهتي ۽ حمايت جو اظهار ڪيو ويو آهي. پاڪستان ۾ آيل ٻوڏ ۾ 1700 کان به وڏيڪ ماڻهو اجل جو شڪار ۽ 33 ملين بي گهر ٿيا آهن .هن چيو ته جنرل اسمبلي جي اجلاس ۾ پاڪستان جي انساني امداد ۽ بحالي لاءِ ڪوششن ۾ تيزي لاءِ عالمي برادري تي زور ڏنو ويندو ۽ ميمبر ملڪن گڏيل قومن ۽ انساني حقن جي تنظيمن جي حوصلا افزائي ڪئي ويندي ته هو متاثر آبادي خاص طور تي سڀ کان وڌيڪ خطري کي منهن ڏيندڙ ماڻهن جي ضرورتن کي پورو ڪرڻ لاءِ ملي ڪري ڪم ڪندا رهن . ترجمان ڪو بياڪ چيو ته موجوده هنگامي امداد کان علاوه عالمي برادري جي ضرورت تي به ڌيان ڏيڻو پوندو ته جئين وچولي ۽ ڊگهي مدتي بحالي ، نئين سر تعمير ۽ خطري ۾ گهٽتائي جي ڪوششن سان گڏو گڏ پاڪستان حڪومت جي موافقت جي منصوبي جي حمايت لاءِ سياسي عزم کي برقرار رکي سگهجي ترجمان جنرل اسمبلي وڌيڪ چيو ته ان قرار داد ۾ گهڻا اسپانسر ز هجڻ جي توقع آهي، اها تباهي متاثر علائقن ۾ ڊگهي مدتي بحالي ۽ نئين سر تعمير جي مرحلن لاءِ امداد ۽ وڌيڪ امدادي وعدن لاءِ هڪ عهد ساز ڪانفرنس جي گهرائڻ جي به آجيان ڪندي .
