اسلام آباد – 10 – آڪٽوبر (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته فارن فنڊيڊ فتنو عدالت وڃڻ کان اڳ جي آءِ ٽي ۾ پيش ٿئي، ملڪ جي خلاف سازس ڪرڻ، ملڪي مفاد کي داءُ تي لڳائڻ، رياست کي پنهنجي سياست جي ور چاڙهڻ، اقتدار جي خاطر هارس ٽريڊنگ ڪرڻ جو جواب ڏي. عمران خان جي بيان تي پنهنجي ردعمل ۾ اطلاعات ۽ نشريات واري وفاقي وزير مريم اورنگزيب چيو ته فارن فنڊيڊ فتنو ڏوهه جو اعتراف ڪري چڪو هجي، هاڻي عدالت نه جيل وڃڻ جو وقت آهي. هن چيو ته ملڪ جي خلاف فارن فنڊيڊ جي پوري پلاننگ بي نقاب ٿي چڪي آهي، قومي مفاد جي خلاف توهان جي سازش جي پلاننگ ۽ هارس ٽريڊنگ بي نقاب ٿي چڪي آهي، هاڻي وڌيڪ پلاننگ جي ضرورت نه آهي.
