اسلام آباد – 19 – آڪٽوبر (اي پي پي) وزيراعظم محمد شهباز شريف سان اوورسيز پاڪستانيز واري وفاقي وزير ساجد حسين طوري، مذهبي معاملن واري وفاقي وزير مفتي عبدالشڪور، قومي اسيمبلي ميمبرن محسن داوڙ ۽ محمد جمال الدين ملاقات ڪئي. وزيراعظم آفيس جي ميڊيا ونگ پاران جاري بيان موجب ملاقات ۾ لاڳاپيل تڪن ۾ ترقياتي ڪمن جي حوالي سان ڳالهه ٻولهه ڪئي وئي. ملاقات ۾ ملڪ جي سياسي ۽ مجموعي صورتحال تي ڳالهه ٻولهه ڪئي وئي. ملاقات ۾ وفاقي گهرو وزير راڻا ثناءُ الله ۽ منصوبابندي وارو وفاقي وزير احسن اقبال پڻ شريڪ ٿيا.
