اسلام آباد – 21 – آڪٽوبر (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته فارن فنڊيڊ فتني جي چوري پڪڙي وئي، اليڪشن ڪميشن تي حملو ڪرڻ سان نااهلي ختم نه ٿي ٿئي، طاقتور فارن فنڊيڊ فتنو آخر قانون جي هيٺان اچي ويو، هاڻي ملڪ خوشحال ٿيندو، رڳو نااهلي نه عمران نيازي کي هاڻي جيل به وڃڻو آهي. پنهنجي بيان ۾ هن چيو ته عمران خان نااهل ٿي چڪو آهي، عمران خان اليڪشن ڪميشن کي ڪا به رسيد ناهي ڏني، اليڪشن ڪميشن نااهل نه ڪري ته ٻيو ڇا ڪري؟ هن چيو ته فارن فنڊيڊ فتنو 2019ع کانپوءِ ڪو به تحفو توشا خانا ۾ جمع ناهي ڪرايو، اليڪشن ڪميشن نااهل نه ڪري ته ڇا ڪري؟ فارن فنڊيڊ فتني توشا خانا ۾ تحفا نه صرف پئسا جمع ڪرايا، اليڪشن ڪميشن نااهل نه ڪري ته ڇا ڪري؟
