اسلام آباد– 30 – جنوري (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته موسم جي خرابي سبب گڏيل عرب امارات جي صدر شيخ محمد بن زيد النهيان جو پاڪستان جو دورو نئين تاريخ تائين ملتوي ڪيو ويو آهي. پنهنجي بيان ۾ وفاقي وزير مريم اورنگزيب چيو ته گڏيل عرب امارات ۽ پاڪستان جي وچ ۾ دوستي ۽ تعاون وارا لاڳاپا ۽ مختلف شعبن ۾ انهن کي وڌائڻ جي طريقن تي خيالن جي ڏي وٺ جي لاءِ اڄ گڏيل عرب امارات جي صدر کي پاڪستان جو سرڪاري دورو ڪرڻو هو جيڪو موسم جي خرابي سبب ملتوي ڪيو ويو آهي.
