اسلام آباد ۔ 27 اکتوبر (اے پی پی) د اطلاعاتو او خپرونو وفاقي وزير چوهدري فواد حسېن وئيلي دي د كشميري اولس قربانۍ به رنګ راوړي۔ د مقبوضه كشمير اولس به ډېر زر آزادري ترلاسه كړي۔ د هند لخوا په مقبوضه كشمير د اكتوبر په 27 مه نېټه كال 1947ﺀ كښې د غېر قانوني قبضې په حقله د خالي ورځ د تورې ورځې په توګه د لمانځلو دستورې ته خطاب كښې ده ووئيل ټول پاكستان كشميري اولس سره اوږه په اوږه ولاړ د ے او د دې اولس منډو ترړو او د هند رياستي ظلمونو په مقابله كښې ددوئي قربانيو ته سلام وړاندې كوم۔ چوهدري فواد حسېن ووئيل آزادۍ لپاره د كشميري اولس هڅې فعاله دي او د زرګونو په شمېر كشميري وګړو د خپلو ځانونو قرباني وركړې ده۔ دغسې د زرګونو په شمېر ښځو سره زياتې شوې او د زرګونو په شمېر نور تش لاسې او معصوم كشميريان بې كوره شوي دي
